Vennermeitschi's bärndütschä Blog

Zucker macht dumm

Sun, 20 May 2012 13:18:43 +0200

Ä hochä Konzum vo Fructosä verlangsamt d Hirntätigkeit und beihträchtigt ds Erinnerigs- und Lernvermögä. Aber!!! Wär glichzittig Omega-3-Fettsürinä zuesech nimmt, hemmt der Schadä für ds Hirni. Und di “normali” auso natürlichi Fructosä i dä Frücht het dä Effekt nid.

Merci NZZ am Sunti für di Zämäfassig

Was ä “bad diet” isch zeiginech im nächschtä Ihtrag....

Tue, 15 May 2012 15:08:51 +0200

Was ä “bad diet” isch zeiginech im nächschtä Ihtrag. Gitt nämlech ä Zämäfassig was mer in New York gässä hei! ;-)

loadbalancer:

TRUE!

1940 vomnä Tschingäli erfungä gniessä i grad d Nutella (vom...

Mon, 02 Apr 2012 19:16:43 +0200

1940 vomnä Tschingäli erfungä gniessä i grad d Nutella (vom änglischä Nuss und italiänischä Verchlinerigsform “ella”) uf Züpfä… Ungsung? Eigentlech scho, aber gniässä mues si und zwar unbedingt ohni schlächts Gwüssä (das schüttet numä unnötig Stresshormon us! Auso: buon app!

Entdeckig vom Weekend

Mon, 02 Apr 2012 11:47:25 +0200

Entdeckig vom Weekend:

Für Liebhaber vo Tapas - em Sprain si Ihtrag läsä u härä ga!

Entdeckig vom Weekend

Mon, 02 Apr 2012 11:47:18 +0200

Entdeckig vom Weekend:

Für Liebhaber vo Tapas - em Sprain si Ihtrag läsä u härä ga!

Tipp usem GLYX-Newsletter

Tue, 27 Mar 2012 16:00:05 +0200

Der besondere Abnehm-Tipp

Heute: Wer zwei Wochen Fertigprodukte und Fastfood meidet, nimmt automatisch ab.

“Viereckiges Essen macht kugelrund”, sagt der Volksmund. Das zeigt auch eine aktuelle Übersichtsstudie im Auftrag der Umweltorganisation BUND, die Ergebnisse von über 240 Einzelstudien zusammen fasst. Weichmacher und synthetisch hergestellte Aromen spielen für die Entwicklung von Übergewicht und Diabetes eine größere Rolle, als bisher gedacht, denn sie greifen in das menschliche Hormonsystem ein. Weichmacher wie Phtalate und Biphenol A sind z.B. in Konservendosen oder Plastikverpackungen enthalten. Experten schreiben diesen hormonellen Schadstoffen einen wichtigen Anteil an den Volkserkrankungen Adipositas und Diabetes zu.

Bewegung kann Übergewichtsgene austricksen

Tue, 20 Mar 2012 11:41:18 +0100

Bewegung kann Übergewichtsgene austricksen:

Spannendi Studiä!

Di Fia zeigt a mir wiä schminkä mit dä Früelig-Summer Farbä vo...

Sat, 17 Mar 2012 10:00:05 +0100

Di Fia zeigt a mir wiä schminkä mit dä Früelig-Summer Farbä vo BABOR! Viu Spass bim nachäschminkä!

Run like a geek: Auf geht's ins zweite Jahr

Fri, 16 Mar 2012 11:30:43 +0100

Run like a geek: Auf geht's ins zweite Jahr:

Bi derbi! (finges geng no luschtig aus “geek” bezeichnet ds wärdä!) ;-)

run-like-a-geek:

Vor rund einem Jahr wurde auf Twitter die Idee von #rlag geboren. Aus einer spontanen Laune heraus (und auch um meinem inneren Schweinehund etwas Druck aufzusetzen) fragte ich, ob jemand interessiert wäre an einem Team am GP von Bern teilzunehmen. Den Namen konnten wir von Rouge erben, der diesen…

Erschti Zitronä vom eigetä Böimli gärntet! Isch ä richtigä...

Wed, 15 Feb 2012 22:31:16 +0100

Erschti Zitronä vom eigetä Böimli gärntet! Isch ä richtigä glyx-Bringer mitem Vitamin C und würkt im Körper basisch!

Körperfett: Altes neu aufgetischt (das isch für diä wo mis Bärndütsch nid chöi läsä¨;-))

Thu, 09 Feb 2012 09:43:05 +0100

Körperfett: Altes neu aufgetischt (das isch für diä wo mis Bärndütsch nid chöi läsä¨;-)):

Übergewicht ist nicht gleich Übergewicht; der Taillen-Umfang macht’s aus.

Am Mittag es paar Hüpfer ufem Trampolin verschücht d Müedigkeit!

Thu, 26 Jan 2012 13:08:25 +0100

Am Mittag es paar Hüpfer ufem Trampolin verschücht d Müedigkeit!

Persönlechi Mikronährstoffmischig- sinnvou oder Unsinn?

Wed, 25 Jan 2012 12:32:49 +0100

Hüt am Nami hani der Dipl. In. Otto Knes, Biochemiker und Geschäftsleiter vom IABC Labor troffä. Ä begeitsertä und begeisterndä Mönsch! I ha no niä erläbt, das mä Biochemie so begeisteret u spannend cha erklärä. Auso der herr Knefs het mer zeigt, was genau si bi IABC (Insitut für angewante Chemie) machä. Näbst denä Analysä wo aui Labors chöi machä hei si sech uf d Stoffwächsuanalyse spezialisiert. Itz isch der Stoffwächsu i üsem Körper aber sehr öppis komplizierts und o no nid würklech komplett erforscht. Drumm machä si o viu Analysä wo no “jung” si. Und si hei sech druf spezialisiert chönnä ds gse was genau IG bruchä. Was heisst das? Richtwärtä, z.B. für Vitamin B9, si öppis sehr ungnaus, mä het nämlech usägfungä das diä bi jedim angers wärä und doch wird im “Standart” natürlech uf diä zrügg griffä. Und für 90% vo dä Mönschä stimmts o. Aber äbä nid für aui. Werum? Luegemer mau es spezieus Bispiu ah.

Das erwähnte Vitamin B9, o bekannt aus Folsäure, isch für sehr viu Umwandligsprozässä i üsem Körper zueständig. Und mä het usägfungä, das jedä ä angeri Kontentrazion dervo brucht. Mitemnä Standart Tescht wird auso gmässä wi viu Vit B9 ig im Bluet ha. So cha ds Resultat si: Du ligsch im Referänzwärt, auso ke Supplementation nötig. Nur gitts Lüt wo ä gwüssi Gen veränderig hei und meh vo derä Folsäure würdä bruchä. Oder wo ä Läberschadä hei wo o meh Vitamin B verzehrt. Wi chamä auso gse ob ig gnuä ha oder ob ig haut zu denä ghörä wo ä Hocheri Konzentration aus der Durchschnitt vo dä Mönschä sött ha? Itz wirds spannend, holemer chli us:

Bim Abbou vo Eiwiss entsteit Homozystein. Das isch aber hoch Giftig u drumm wirds grad witter verarbeitet. Derzuä bruchts äbä di B-Vitaminä. Wenn aber ä Mangu besteit de cha das Homozystein nid gnüegent abbout wärdä und schädiget d Gfässwänd (füert zu Härz-Kreislouf Problem) und d Kollagen Querverbindig im Chnochä (füert zu Osteoporose). Zudäm het mä bi Auzheimer Paziänte erhöti Homozystein Wärt gmässä. Es isch auso wichtig, dass üsä Sotffwächsu das Homozystein sofort cha witterverarbeitä. Aber derzuä brucht jedä Monsch angeri Vititamib B Konzentrationä. Aber! Es zeut nid ds Prinzip: “Viu hiuft viu!” Da di Folsäure am Ufbou vor dä Zäuä (bzw. der Erbsubstanz) beteiliget isch (drumm söuä Schwangeri unbedingt gnuä Vit B9 zuesechnä, das ds Bebe ke offenä Rüggä bechunnt) het mä usägfungä, dass wenn scho ä Tumor im Körper isch dä mit “z’viu” Folsäure schneuer wachst. O drumm chömä d Fachlüt langsam aber sicher dervo wäg Vitaminä und Mineralie nachem Bschütti-Prinzip ds verteilä!

Wäg derä ganzä Gschicht misst ds IABC Labor nid dini Vitamin Konzentazionä im Bluet sondern luegt sech ah wis i dim Soffwächsu usgset. Weli Abbouprodukt hets? Weli nid? Uns so wird dir ä Rezäprvorschlag gmacht was DU bruchsch für DI Stoffwächsu.

Ig finge das begeischternd und merkä säuber ä Würkig: I bi fitter, wacher, konzentrierter!

Füeu-, sicht- und mässbari Resultat!

YAY!

Medical Wellness Coach - was machsch du da genau?

Tue, 24 Jan 2012 18:05:33 +0100

Tönt guet gäu! I wirdä Medical Wellness Coach! Und was bitte isch das?

Auso - eigentlech weis mä ja scho lang, dass üsi Gsundheit, üses “Wellness” uf 2 Houptsüülä steit: Der Bewegig und der Ernährig. Immer meh erkennä o Ärzt, dass di 2 Pünkt sehr wichtig si zur Vorböigig vo Chrankheitä und Verhinderig imnä früechä Stadium vorä Erchrankig. Da setzt medical Wellness ah. Ds Fachkuurhus und Zentrum für Medical Wellness in Berlingen isch genau uf das spezialisiert.

Hiä machsch einersitzt ä Kur mit EPD Produkt zum der Insulin und Zuckerspiegu i griff ds becho (di Schwankigä wo üses “Zuckerässä” machä si gaaaarnid guet für üsä Körper), und glichzittig ds “resetten”. Es fingt auso o ä Entgiftig statt. Ängersitzt bechömemer aui wichtigä Mirkonährstoff. Vitamine, Mineralie, Spurenelemente, Quasivitamine und Pflanzenextrakte. So bechunnt der Körper aues waser brucht.

I läbä hiä auso aues live mit wo i däm Programm derzuä ghört. I machä di EPD Kur mit und es geit mer super! Am Morgä gitts für d Kur Teinämer jewius so Vorträg zu dä Themä Stoffwechsel, Ernährung & Mikronährstoffe. Am Nami si d Schueligä für d Coaches, wo das ganzä no verteift wird.

Zudäm darfi noch chli Wellnessä im Whirlpool und im Tiebidarium! Wunderbar! I gse scho itz i wirdä super erhout si nach derä Wuchä, trotz lerä!

Sitt am Samschti bini itz da für mini Medical Wellness Coach...

Mon, 23 Jan 2012 22:16:32 +0100

Sitt am Samschti bini itz da für mini Medical Wellness Coach Usbiudig. Leider chumi momentan mit mim MacBook no nid online, drumm chunnt d Erklärig/Ihfüerig speter! Aber es isch uf jedä Fau spannend!

"Das Ess-Märchen “Es gibt keine glyxlichen Naschereien in der Winterzeit.” Die Wahrheit..."

Fri, 13 Jan 2012 13:10:57 +0100

“

Das Ess-Märchen

“Es gibt keine glyxlichen Naschereien in der Winterzeit.”
Die Wahrheit ist: Die frisch geernteten Nüsse, die man derzeit im Supermarkt kaufen kann, sind eine ideale GLYX-Nascherei. Sie liefern Eiweiß, Ballaststoffe und wertvolle Omega-3-Fettsäuren. Mandarinen helfen auch gut gegen das Büro-Tief am Nachmittag. Sie enthalten den Pflanzenstoff Nobiletin, der gegen Übergewicht wirkt, vor Typ 2 Diabetes und Arteriosklerose schützt. Forscher der University of Western Ontarion fanden heraus, das Nobiletin die Gene auf Fettverbrennung umstellt.

”

- GLYX Newsletter von Marion Grillparzer

Vennermeitschi wird Medical Wellness Coach

Tue, 10 Jan 2012 18:26:38 +0100

Vennermeitschi wird Medical Wellness Coach:

Glyyy verrati meh derzuä!

Lieblinsjoghurt! Ohni (natürlechi und ungsättigti) Fett(sürinä)...

Sat, 10 Dec 2011 10:45:00 +0100

Lieblinsjoghurt! Ohni (natürlechi und ungsättigti) Fett(sürinä) cha der Körper keni Hormon machä! Joghurt u Frücht (für mi Grepfrüü) si es super Z’Morgä!

AvatarDay zum drittä

Fri, 18 Nov 2011 22:02:42 +0100

Morn isches schowider so wit! Der dritt AvatarDay fingt statt. D Fotografin Barbara Hess alias @pictura het vor 3 Jahr d Idee gha ds Internet chli ds verschönerä u würklech aunä (auso ämu fasch) ds ermüglechä es aständigs Profiubiudli für au di Platformä ds ha. Drumm het si der AvatarDay organisiert womä gratis cha ga Fötäli machä. U was ä erfoug isch widerhoutmä! O dasmau darf ig wider mit derbi si u derfür sorgä das niemer glänzt aber aui strahlä! Über d Facebook Sitenä zum AvatarDay u o über diä vo Kosmetik Bellezza & Wellness fingetder Morn einisch ab dä Eis d UStrams derzuä!

"Aber auch die abendliche Kohlenhydrat-Lust muss nicht auf der Hüfte landen. Man kann auch ruhig Mal..."

Tue, 25 Oct 2011 08:00:05 +0200

“Aber auch die abendliche Kohlenhydrat-Lust muss nicht auf der Hüfte landen. Man kann auch ruhig Mal einen großen Berg Pasta verschlingen – ohne dass morgens die Waage erschrickt, wenn man das Ganze nicht mit tierisch viel Fett kombiniert, sondern mit pflanzlichem Öl und magerem Eiweiß. Darum macht auch ein riesiger Teller Pasta mit Olivenöl und Garnelen nicht dick.”

- Marion Grillparzer - Ökotrophologin