Medical Wellness Coach - was machsch du da genau?
Tönt guet gäu! I wirdä Medical Wellness Coach! Und was bitte isch das?
Auso - eigentlech weis mä ja scho lang, dass üsi Gsundheit, üses “Wellness” uf 2 Houptsüülä steit: Der Bewegig und der Ernährig. Immer meh erkennä o Ärzt, dass di 2 Pünkt sehr wichtig si zur Vorböigig vo Chrankheitä und Verhinderig imnä früechä Stadium vorä Erchrankig. Da setzt medical Wellness ah. Ds Fachkuurhus und Zentrum für Medical Wellness in Berlingen isch genau uf das spezialisiert.
Hiä machsch einersitzt ä Kur mit EPD Produkt zum der Insulin und Zuckerspiegu i griff ds becho (di Schwankigä wo üses “Zuckerässä” machä si gaaaarnid guet für üsä Körper), und glichzittig ds “resetten”. Es fingt auso o ä Entgiftig statt. Ängersitzt bechömemer aui wichtigä Mirkonährstoff. Vitamine, Mineralie, Spurenelemente, Quasivitamine und Pflanzenextrakte. So bechunnt der Körper aues waser brucht.
I läbä hiä auso aues live mit wo i däm Programm derzuä ghört. I machä di EPD Kur mit und es geit mer super! Am Morgä gitts für d Kur Teinämer jewius so Vorträg zu dä Themä Stoffwechsel, Ernährung & Mikronährstoffe. Am Nami si d Schueligä für d Coaches, wo das ganzä no verteift wird.
Zudäm darfi noch chli Wellnessä im Whirlpool und im Tiebidarium! Wunderbar! I gse scho itz i wirdä super erhout si nach derä Wuchä, trotz lerä!
Vennermeitschi wird Medical Wellness Coach
Glyyy verrati meh derzuä!
Meitschi du muesch ässä!
Ja “Meitschi”, es gitt zwar sicher o Gielä wo z’weni ässä, aber meischtens sis doch d Meitschi.
Meischtens geits hiä zwar um ds Abnä und um Gsung ds ässä (Diät heisst eigentlech nüt angers aus “Lebensweise”). Aber ir letschter Zit simer eifach ds viu Meitschi überä Wäg gloffä woni uf z’mau gmerkt ha, dass si nid, schlächt oder manguhaft ernährt si. Wi diä hübschi schlanki jungi Frou wo öppä glich gross isch wi ig u ca 2,3 Kg meh uf d Waag bringt aus ig (i darf sägä das si nur mitemnä Blick vomnä Model Manager z’viu am Füdli hätt!). Nchdäm ig iri Resultat vor Körpermässig (BIA) ha gse bini schockiert gsi!
Motivationsloch
I gibes ja zuä: Im Momänt gluschet mi so viiiu unglyxigs Züg (Schoggi u Chips si mini Schwechi ou u nätürlech Pommfrit!!!!!) dasmer d Motivation zum sträng mit mir si chli fäut! Nur eigentlech merki ja dases mer ds planlosä Ässä nid guet tuet u das sött gnuä Motivation si: I bi müüüüed, unproduktiv und …
Ds Vennermeitschi isch d Laura von Niederhäusern; Italo-Bärnerä wo imnä Kosmetikinstitut schaffet u sech für aues interessiert rund umä Körper. Ernährig, Sport, Gwonhietä änderä. . .
