Medical Wellness Coach - was machsch du da genau?

Tönt guet gäu! I wirdä Medical Wellness Coach! Und was bitte isch das?

Auso - eigentlech weis mä ja scho lang, dass üsi Gsundheit, üses “Wellness” uf 2 Houptsüülä steit: Der Bewegig und der Ernährig. Immer meh erkennä o Ärzt, dass di 2 Pünkt sehr wichtig si zur Vorböigig vo Chrankheitä und Verhinderig imnä früechä Stadium vorä Erchrankig. Da setzt medical Wellness ah. Ds Fachkuurhus und Zentrum für Medical Wellness in Berlingen isch genau uf das spezialisiert. 

Hiä machsch einersitzt ä Kur mit EPD Produkt zum der Insulin und Zuckerspiegu i griff ds becho (di Schwankigä wo üses “Zuckerässä” machä si gaaaarnid guet für üsä Körper), und glichzittig ds “resetten”. Es fingt auso o ä Entgiftig statt.  Ängersitzt bechömemer aui wichtigä Mirkonährstoff. Vitamine, Mineralie, Spurenelemente, Quasivitamine und Pflanzenextrakte. So bechunnt der Körper aues waser brucht.

I läbä hiä auso aues live mit wo i däm Programm derzuä ghört. I machä di EPD Kur mit und es geit mer super! Am Morgä gitts für d Kur Teinämer jewius so Vorträg zu dä Themä Stoffwechsel, Ernährung & Mikronährstoffe. Am Nami si d Schueligä für d Coaches, wo das ganzä no verteift wird.

Zudäm darfi noch chli Wellnessä im Whirlpool und im Tiebidarium! Wunderbar! I gse scho itz i wirdä super erhout si nach derä Wuchä, trotz lerä!

Lieblinsjoghurt! Ohni (natürlechi und ungsättigti) Fett(sürinä) cha der Körper keni Hormon machä! Joghurt u Frücht (für mi Grepfrüü) si es super Z’Morgä!
Pop-upView Separately

Lieblinsjoghurt! Ohni (natürlechi und ungsättigti) Fett(sürinä) cha der Körper keni Hormon machä! Joghurt u Frücht (für mi Grepfrüü) si es super Z’Morgä!

“C” - Zwüschästand

Vor dä Feriä bini ja garnüm derzuä cho es Resümee ds schribä. Und da itz o ds Ägyptä ds Internet wider geit hiä auso mi Zwüschästand zum Thema “C”.

Wiso Zwüschästand? Naja i ha ja ersch grad DIE Thechnik wo würkt entdeckt! Nämmlech der VitaCube! Ja es isch tatsächlech krass und villech überlegi mer das mit dä Fötäli no mau! Ha nämmlech numä ei Sitä la behandlä u aui gse sofort weli Sitä dases isch!

Aber itz i dä Feriä vergisseni das Thema “C” grad fürnä Momänt, es gitt hiä nämmlech Pancake mit Schoggisossä zum Z’morgä! Und gniässä tueni immerno gärn…