Medical Wellness Coach - was machsch du da genau?
Tönt guet gäu! I wirdä Medical Wellness Coach! Und was bitte isch das?
Auso - eigentlech weis mä ja scho lang, dass üsi Gsundheit, üses “Wellness” uf 2 Houptsüülä steit: Der Bewegig und der Ernährig. Immer meh erkennä o Ärzt, dass di 2 Pünkt sehr wichtig si zur Vorböigig vo Chrankheitä und Verhinderig imnä früechä Stadium vorä Erchrankig. Da setzt medical Wellness ah. Ds Fachkuurhus und Zentrum für Medical Wellness in Berlingen isch genau uf das spezialisiert.
Hiä machsch einersitzt ä Kur mit EPD Produkt zum der Insulin und Zuckerspiegu i griff ds becho (di Schwankigä wo üses “Zuckerässä” machä si gaaaarnid guet für üsä Körper), und glichzittig ds “resetten”. Es fingt auso o ä Entgiftig statt. Ängersitzt bechömemer aui wichtigä Mirkonährstoff. Vitamine, Mineralie, Spurenelemente, Quasivitamine und Pflanzenextrakte. So bechunnt der Körper aues waser brucht.
I läbä hiä auso aues live mit wo i däm Programm derzuä ghört. I machä di EPD Kur mit und es geit mer super! Am Morgä gitts für d Kur Teinämer jewius so Vorträg zu dä Themä Stoffwechsel, Ernährung & Mikronährstoffe. Am Nami si d Schueligä für d Coaches, wo das ganzä no verteift wird.
Zudäm darfi noch chli Wellnessä im Whirlpool und im Tiebidarium! Wunderbar! I gse scho itz i wirdä super erhout si nach derä Wuchä, trotz lerä!
Vennermeitschi wird Medical Wellness Coach
Glyyy verrati meh derzuä!
Meitschi du muesch ässä!
Ja “Meitschi”, es gitt zwar sicher o Gielä wo z’weni ässä, aber meischtens sis doch d Meitschi.
Meischtens geits hiä zwar um ds Abnä und um Gsung ds ässä (Diät heisst eigentlech nüt angers aus “Lebensweise”). Aber ir letschter Zit simer eifach ds viu Meitschi überä Wäg gloffä woni uf z’mau gmerkt ha, dass si nid, schlächt oder manguhaft ernährt si. Wi diä hübschi schlanki jungi Frou wo öppä glich gross isch wi ig u ca 2,3 Kg meh uf d Waag bringt aus ig (i darf sägä das si nur mitemnä Blick vomnä Model Manager z’viu am Füdli hätt!). Nchdäm ig iri Resultat vor Körpermässig (BIA) ha gse bini schockiert gsi!
GLYX - Was isch das itz eigentlech?
Eismau hani vouer Freud ghört: Hei i lisä di Blog, tueschmi coachä? Aber bi derä Diät chumi no nid ganz drus!” Drum auso hiä ä (hoffentlech) churzi Ihfüerig und Erklärig was “glyxä” isch.
Wichtig ds wüssä fingi isch, das glyx nid eifach ä Diät (heisst ja nüt angers aus “Lebensweise”) isch womä über ä gwüssi Zit macht u när wider ids autä Muschter inä gheit! Sondern si söu eim äbä lerä was würklech gsung isch, was brucht mi Körper? Klar machts Sinn am afang sträng nach Rezäpt ds ga und irgendeinisch hetmä im Gspüri was “glyxig” isch u was nid, irgendeinisch weismä o wenn dasmä darf “üeber d Sträng schla” und wimä das wider usglicht. Drum fingis o sonä sinnvoui “Diät”. “Was du bisch uf Diät?” luägä mi d Lüt när so gschockt a…. jein, i ha mi Zuckerspiegu im Griff u bi so weniger hässig (isch im Fau nid luschtig mit mir weni hunger ha!), ha meh Energie u meh Freud (geschter simer hei “ghüpferlet”, eifach so)!
So aber itz konkret: Grob chönnt mä sägä: “Glyx-Ernährig isch so ässä wi Diabetiker” und neeeeeei das isch Hüt nümm gruusig.
Ds Vennermeitschi isch d Laura von Niederhäusern; Italo-Bärnerä wo imnä Kosmetikinstitut schaffet u sech für aues interessiert rund umä Körper. Ernährig, Sport, Gwonhietä änderä. . .
